वि·सं २००७ सालमा हालको छविपाथिभेरा वडा नं· १ को बगा भन्ने ठाउँमा गोबर्धन बहादुर सिंहले केही ईच्छुक विद्यार्थीहरु जम्मा गरी बाह्रखरी सिकाउने र साथै घरबुना कपडा बुनाईका साथै जडिबुटीको ओषधीय प्रयोग सम्बन्धी ज्ञान दिन विद्यालय स्थापना गर्नुभएको इतिहास छ । उक्त विद्यालय केही समयपछि बन्द भयो । २००८ सालतिर रुद्र नारायण उपाध्यायले बाह्रखरी सिकाउने उद्देश्यले बगडगाउँको पिपल चौतारामा करिव एक वर्षसम्म विद्यालय सञ्चालन गर्नुभएको जानकारहरु बताउछन् । उक्त विद्यालय पनि कालान्तरमा बन्द भयो । २०१०/११ सालतिर चन्द्रजङ्‍ग बहादुर सिंहले करिव २ वर्ष आफैले अध्यापन गराई पछि रिनारी उपाध्यायलाई शिक्षक राखी पठनपाठन गराउनु भएको थियो ।सो विद्यालय पनि कालान्तरमा बन्द भयो । २०१५ सालमा बगडगाउँबाट करिव ६०० मिटर पश्चिमतिर रहेको देबधाट भन्ने ठाउँमा स्थानीयको सहयोगमा खरको झुपडी बनाई पठनपाठन शुरु गरिएको थियो । यी विद्यालयहरु सबै अनुमति नभएका अनौपचारिक विद्यालय थिए । २०१५ सालको आम निर्वाचन पछि जहाँ जहाँ मतदाकेन्द्र रहेका थि त्यहाँ त्यहाँ एउटा प्राइमरी स्कुल खोल्ने भन्नरे तत्कालिन सरकारको निर्णए अनुसार ओपचारिकरुपमा वि·सं· २०१६ साल फागुन १६ गते श्री महेन्द्र प्राइमरी स्कुलको नामबाट विधिवत विद्यालयको स्थापना गरी छविसपाथिभेरा गाउँपालिका वडा नं· ५ चौघानपाटा बस्ने श्याम प्रसाद बोगटीले पठनपाठन शुरु गर्नुभयो ।